Lukaku «Inter»ga qaytishi uchun maoshini kamaytirishi kerak

«Chelsi» hujumchisi Romelu Lukaku «Inter»ga o'tish uchun maoshini ikki baravarga kamaytirishga majbur bo'ladi, deb xabar beradi The Sun.

Manbaga ko'ra, belgiyalik futbolchi London klubida mavsumiga 20 million evro oladi. «Inter»ga o'tgan taqdirda bu summa 10 millionga qisqaradi.

Avvalroq, 28 yoshli hujumchi Italiyaga qaytish niyatida ekani haqida xabar berilgandi. «Inter» bilan Lukaku 2021 yilda Italiya chempionligini qo'lga kiritdi.

Eslatib o'tamiz, Lukaku o'tgan yilning avgust oyida 97,5 million funt (taxminan 116 million evro) evaziga «Chelsi»ga o'tgandi.

Hujumchi joriy mavsum «Chelsi» safida barcha turnirlar doirasida 39 ta o'yinda maydonga tushib, 12 ta gol va 2 ta golli uzatmaga mualliflik qilgan.