Ryudigerning yangi jamoasidagi maoshi ma'lum qilindi

Madridning «Real» klubiga tekinga o'tishga bir qadam qolgan «Chelsi» himoyachisi Antonio Ryudiger yangi klubida haftasiga 240 ming evro ishlab oladi. Bu haqda Goal portali xabar bermoqda.

Manbaning qo'shimcha qilishicha, avvalroq «Chelsi» mavsum oxiridagi shartnomasi yakunlanadigan Ryudigerga xuddi shuncha maosh taklif qilgandi, biroq, tomonlar yakunda shartnomani uzaytirishmadi. Ehtimol, tomonlar kelishuvga erishgan bo'lardi, ammo joriy etilgan sanktsiyalar bunga imkon bermadi.

O'tgan yozda «Real» «Bavariya» himoyachisi David Alabani tekinga o'z safiga qo'shib olgandi va yiliga 20 million evro maoshli shartnoma imzolagandi.