«Atletiko» ikki hujumchi o'rtasida tanlov qiladi

«Atletiko Madrid» «Benfika» hujumchisi Darvin Nunesga qiziqish bildirmoqda, deb xabar beradi Mundo Deportivo.

Manbaning yozishicha, hujumchi pozitsiyasini mustahkamlash «matraschilar» rahbariyatining yozgi transfer oynasidagi asosiy maqsadi hisoblanadi. Urugvaylikdan tashqari «Atletiko» «Inter»ning argentinalik hujumchisi Lautaro Martines nomzodini ko'rib chiqmoqda. «Benfika» o'z etakchisidan 100 million evrodan kamiga xayrlashmoqchi emas.

Nunesning Lissabon klubi bilan shartnomasi 2025 yilning yoziga qadar tuzilgan. Transfermarkt Portugaliya terma jamoasi hujumchisini 40 millionga baholamoqda.

Portugaliya chempionatining joriy mavsumida 22 yoshli Nunes 26 ta o'yinda maydonga tushib, 25 ta gol va 4 ta golga assistentlik qildi. Shuningdek, futbolchi Chempionlar ligasining 10 ta o'yinida 6 ta gol urgan.