«Benfika» Nunesni dahshatli summaga sotishni mo'ljallamoqda

Portugaliyaning «Benfika» klubi o'z etakchisi Darvin Nunesni sotishdan katta pul ishlab olishni maqsad qilgan.

22 yoshli hujumchiga Evropa futbolining bir qator gigantlari qiziqish bildirmoqda. Urugvaylik futbolchiga davogarlar orasida Angliyaning «Liverpul», «Arsenal» va «Manchester Yunayted», Ispaniyaning «Atletiko» va «Barselona», shuningdek, Germaniyaning «Bavariya» klublari bor. AS xabariga ko'ra, «Benfika» hujumchi uchun taxminan 100 million evro so'ramoqda.

Darvin Nunes joriy Portugaliya chempionatida 25 ta o'yinda 25 ta gol urdi. Chempionlar ligasida u 10 uchrashuvda 6 ta gol urib, jamoasini chorak finalgacha chiqishiga yordam berdi.