«PSJ» di Mariya o'rniga «Man Siti» yulduzini xarid qilmoqchi

«PSJ» «Manchester Siti» yarim himoyachisi Riyad Mahrez bilan shartnoma imzolashga tayyor. Jazoirlik futbolchi so'nggi paytlarda «shaharliklar» lagerini tark etishni istamoqda. Frantsuz klubi futbolchini mavsum oxirida« PSJ»ni tekinga tark etishi mumkin bo'lgan Anxel di Mariyaga o'rinbosar sifatida ko'rmoqda.

Jurnalist Adrien Grenening fikricha, «PSJ» Mahrezning «Manchester Siti» bilan shartnomasi bo'yicha yuzaga kelgan vaziyatdan foydalanishi mumkin. Jazoirlikning «shaharliklar» bilan amaldagi shartnomasi 2023 yilning yozida yakuniga etadi. Yozda o'yinchi arzonlashtirilgan narxda sotilishi mumkin.

Ma'lumot o'rnida, o'tgan mavsumda Mahrez Chempionlar ligasi yarim finalida «PSJ» darvozasini ikki bor ishg'ol qilgandi.