"Milan"ning yangi xo'jayini tarkibga Lukakuni olib kelmoqchi

«Chelsi» hujumchisi Romelu Lukaku faoliyatini «Milan»da davom ettirishi mumkin.

Belgiyalik hujumchi joriy mavsum boshlanishidan oldin «Inter» klubidan «Chelsi»ga 113 million evro evaziga o'tgandi, ammo o'ziga bildirilgan ishonchni oqlay olmadi. Shu sababli, "ko'klar" Lukaku bilan xayrlashishga tayyor, ammo uni sotish uchun o'tgan yilgi xarid uchun sarflangan mablag'ni talab qiladi.

Goal nashrining xabar berishicha, Lukaku faoliyatini davom ettirish uchun eng real variantlardan biri bu - «Milan».

Ushbu transfer «Milan» klubi Investcorp jamg'armasi tomonidan qabul qilingandan so'ng amalga oshishi mumkin. Variantlardan biri - sotib olish varianti bilan Lukakuni uzoq muddatli ijaraga berish.

Bundan tashqari, belgiyalik futbolchining maoshining bir qismini «Chelsi» to'lashda davom etishi mumkin.