«Roma» futbolchisi «Aston Villa» bilan shartnoma imzolashi mumkin

Darvozabon Robin Olsen Angliyaning «Aston Villa» klubi bilan doimiy shartnoma imzolashi mumkin. 

Shvetsiyalik darvozabon joriy mavsumning ikkinchi yarmini ijara asosida «Aston Villa»da o'tkazmoqda va uning huquqlari Italiyaning «Roma» klubiga tegishli. Football Insider nashri xabariga ko'ra, tomonlar Olsenni Birmingem klubiga to'liq transfer qilish bo'yicha muzokaralar olib borishmoqda.

32 yoshli shved bu mavsumda o'yin amaliyoti kam bo'lishiga qaramay, «Villa» murabbiylar shtabida yaxshi taassurot qoldirdi. Stiven Jerrard Olsenni jamoaning asosiy darvozaboni Emiliano Martinesga o'rinbosar deb hisoblamoqda.