«Yuventus» va «Real» — Ryudiger uchun asosiy favorit

Manbaga ko'ra, «Chelsi» markaziy himoyachisi Antonio Ryudiger «Real» yoki «Yuventus»da o'ynashi mumkin.

Agar 29 yoshli germaniyalik futbolchi London klubi bilan yangi shartnoma imzolamasa, yaqin oylarda «Chelsi»ni tark etadi. Sun nashri xabariga ko'ra, Ryudigerning erkin agent sifatida qo'lga kiritishda asosiy da'vogarlar «Real Madrid» va Turinning «Yuventus» klublari hisoblanadi.

Shuningdek, Germaniya terma jamoasi himoyachisiga «Manchester Yunayted», Frantsiyaning «Pari Sen-Jermen» va «Barselona» klublari ham qiziqish bildirmoqda.

Ma'lumot o'rnida, Antonio Ryudiger joriy mavsumda «Chelsi» safida 47 ta o'yinda maydonga tushib, 5 ta gol va 4 ta golli uzatmani amalga oshirdi.