"Manchester Siti"ning ijaradagi futbolchisiga Angliyaning boshqa klubi qiziqish bildirmoqda

«Bornmut» kelasi yozda «Manchester Siti» yarim himoyachisi Tommi Doylni qo'shib olish haqida jiddiy o'ylamoqda. Wales Online xabariga ko'ra, Skott Parker jamoasi futbolchini bir mavsumga ijaraga olmoqchi.

Doyl hozirda Uelsning «Kardiff» jamoasida ijara asosida o'ynamoqda. Doyl joriy mavsumda 16 ta o'yin o'tkazib, 2 ta gol va 3 ta golli uzatmani amalga oshirgan. Mavsumning birinchi yarmini Germaniyaning "Gamburg" sharafini himoya qildi.

«Bornmut» ikki yil avval quyi ligaga tushib ketganidan keyin yana Premer-ligaga qaytishga yaqin turibdi.