«Yuventus» himoyachisi bilan xayrlashmoqchi

«Yuventus» himoyachisi Aleks Sandro yozgi transfer oynasida jamoani tark etishi mumkin, deya xabar beradi jurnalist Nikola Skira.

Manbaga ko'ra, Sandro «byankonerilar»ning kelasi mavsumdagi rejalariga kiritilmagan, chunki Turin klubi rahbariyati o'z tarkibini yoshartirmoqchi.

Braziliyalik futbolchi 2015 yilda «Portu»dan 28 million evro evaziga «Yuventus»ga o'tgandi. Uning shartnomasi 2023 yilning yoziga qadar mo'ljallangan.

Oldinroq himoyachiga «Barselona» va «Chelsi» klublari qiziqish bildirayotgani haqida xabarlar tarqalgan edi.

Joriy mavsumda 31 yoshli futbolchi «zebralar» safida barcha turnirlarda 33 ta o'yin o'tkazib, bitta gol va bitta golli uzatmani amalga oshirdi. Futbolchining Transfermarktdagi narxi 9 mln evroni tashkil qiladi.