«Manchester Yunayted» 60 million evrolik transfer amalga oshirmoqchi

«Vilyarreal» himoyachisi Pau Torresga «Manchester Yunayted» qiziqish bildirmoqda, deb xabar beradi Daily Mail nashri.

Manba bergan xabarga ko'ra, futbolchi Chempionlar ligasidagi o'yini bilan ingliz klubi rahbariyatini hayratda qoldirgan. Manchester klubi o'z himoyasini kuchaytirishi kerak, shuning uchun Torresning shartnomasi 2024 yilgacha tuzilgan bo'lsa-da, uni tovon pulida ko'rsatilgan 60,5 million evroga sotib olishi mumkin.

25 yoshli ispaniyalik futbolchi «Vilyarreal» tarbiyalanuvchisi hisoblanadi. Joriy mavsumda u klub safida barcha turnirlarda 40 ta o'yinda maydonga tushib, 5 ta gol urishga erishdi. Futbolchining Transfermarktdagi narxi 50 mln evroni tashkil qiladi.