«Atalanta»ning ikki etakchisi yozda jamoadan ketadi

«Atalanta» rahbariyati yozda asosiy tarkibning bir nechta futbolchilari bilan xayrlashishi mumkin.

Corriere della Sera nashri xabariga ko'ra, jamoa boshliqlari yozda bir nechta o'yinchilardan, jumladan italiyalik yarim himoyachi Matteo Pessina va kolumbiyalik hujumchi Luis Muriel bilan xayrlashishni rejalashtirmoqda. Eslatib o'tamiz, matbuotda rossiyalik yarim himoyachi Aleksey Miranchukni ham «Atalanta»ni tark etishi mumkinligi haqida ham xabarlar tarqalgan edi.

Eslatib o'tamiz, joriy mavsumda Pessina A seriyada 22 ta o'yinda maydonga tushib, bitta gol va bitta golli uzatmani amalga oshirgan. Muriel 22 o'yinda 5 ta gol va 4 ta golli uzatmani amalga oshirgan.