Mourino «Barselona» vunderkindini «Roma»da ko'rmoqchi

«Barselona» hujumchisi Abdessamad Ezzalzuli yozgi transfer oynasida «Roma»ga o'tishi mumkin. Italiya klubi bosh murabbiyi Joze Mourino 20 yoshli futbolchini o'z jamoasiga taklif qilmoqchi. Bu haqda Corriere dello Sport xabar bermoqda.

Manbaga ko'ra, rimliklar 20 yoshli marokashlik futbolchi uchun 10 million evro taklif qilishadi.«Barselona» Ezzalzulini sotishga rozi bo'lishi mumkin, chunki klub ayni paytda qo'shimcha mablag'ga muhtoj bo'lib turibdi. Biroq, qayta sotib olish optsiyasi bitimga kiritilishi mumkin.

Ezzalzuli «Barselona»ga 2021 yilning yozida «Gerkules»dan kelib qo'shilgan edi. U «ko'k-anorranglilar» jamoasi asosiy tarkibdagi 12 uchrashuvda bitta gol urgan.