«Milan»ning «ishtahasi karnay»

«Milan» klubi rahbariyatida o'zgarish bo'lsa, «rossonerilar» bir vaqtning o'zida bir nechta mashhur futbolchilarni sotib olishni rejalashtirmoqda, deb xabar beradi Gazzetta dello Sport.

Italiya klubini sotib olish bo'yicha Bahraynda joylashgan Investcorp investitsiya kompaniyasi tomonidan muzokaralar olib borilmoqda. Bitim summasi 1 milliard evroga baholanmoqda.

Manba bergan xabarga ko'ra, «Milan» egasi o'zgargan taqdirda klub «Real»ning ikki nafar futbolchisi Isko va Asensio hamda «Manchester Siti» vingeri Rahim Sterlingni sotib olishga harakat qiladi.

Oldinroq «Milan»ning yangi xo'jayinlari yangi transferlar uchun 300 million ajratishi mumkinligi haqida xabarlar tarqalgan edi.