«Lion» 3 nafar futbolchisini ortga qaytarmoqchi

Diario Sport nashrining xabar berishicha, dekabr oyidan beri maydonga tusha olmayotgan va oyog'idan operatsiyasi bo'lgan «Barselona» markaziy himoyachisi Samuel Umtiti «Lion»ga qaytishi mumkin. Frantsiyalik futbolchi Xavining rejalariga kiritilmagan, Kataloniya klubi rahbariyati esa anchadan buyon frantsuzni sotish haqida o'ylamoqda. Yanvar oyida Umtiti «Barsa» bilan shartnomasini 2026 yilga qadar uzaytirdi va qiyin moliyaviy ahvolda klubga yordam berish uchun maoshini qisqartirdi. Ammo yozda futbolchi yana transferga qo'yiladi.

Shuningdek, «Lion» yana ikkita sobiq o'yinchisi: «Arsenal» hujumchisi Aleksandr Lyakazett va yozda «Bavariya» bilan shartnomasi tugaydigan yarim himoyachi Korentin Tolissoni ham qaytarish variantini ko'rib chiqmoqda.