«Yuventus» Savich transferiga o'z futbolchisini ham qo'shib bermoqchi

«Yuventus» «Latsio» yarim himoyachisi Sergey Milinkovich-Savich qiziqish bildirmoqda. Manbaga ko'ra, turinliklar shartnomaga Nikolo Fajolini qo'shish haqida o'ylamoqda.

Mish-mishlarga ko'ra, «Latsio» o'z etakchisini yozda sotishga va tushgan mablag'ni jamoaning boshqa pozitsiyalarini kuchaytirshga sarflashga tayyor. 27 yoshli serb futbolchisiga Evropaning bir qator top-klublari, jumladan, «Yuventus», «PSJ» va «Manchester Yunayted» kabi jamoalar qiziqish bildirmoqda.

Futbolchining agenti Matey Kejman bir qancha vaqtdan beri «Yuventus» bilan muzokaralar olib bormoqda, deb xabar beradi Calciomercato. Turin klubi esa kelishuvga 21 yoshli Fajolining qo'shilishi Milinkovich-Savichning narxini pasaytirishga yordam beradi deya umid qilmoqda.