«Liverpul» Frantsiya terma jamoasi futbolchisini sotib olmoqchi

«Liverpul» «Monako» yarim himoyachisi Orelen Tchuameniga qiziqish bildirmoqda, deb xabar beradi La Gazetta dello Sport.

Manbaga ko'ra, uning transfer summasi 83 million funtga baholanmoqda. 22 yoshli frantsiyalik futbolchiga «Real», «Chelsi», «Manchester Yunayted» va «Milan» ham da'vogarlik qilmoqda.

Joriy mavsumda himoyachi frantsuz klubi safida 44 ta o'yin o'tkazib, 5 ta gol va 6 ta golli uzatmani amalga oshirdi. Transfermarkt Frantsiya terma jamoasi yarim himoyachisini 40 million evroga baholamoqda.

Avvalroq, «Liverpul» «Barselona» futbolchisi Gaviga ham qiziqish bildirayotgani haqida xabar berilgandi.