«Barselona» «Siti» etakchisini nishonga oldi

«Manchester Siti» yarim himoyachisi Bernardu Silva «Barselona»ning nishoniga aylandi. Bu haqda ispan nashrlari xabar bermoqda.

Kataloniya klubi o'tgan yozgi transfer oynasida hap futbolchini o'z safiga qo'shib olishga harakat qilgan edi. Ammo «shaharliklar» bosh murabbiyi Xosep Gvardiola portugaliyalikni jamoada qolishga ko'ndirgan. Qayd etilishicha, bu yozda kataloniyaliklar futbolchining transferi bo'yicha muzokaralarni qayta boshlash niyatida, biroq ular Bernardu uchun «PSJ» bilan raqobatlashishiga to'g'ri keladi.

Transfermarkt 27 yoshli futbolchini 75 mln evroga baholamoqda va agar «Siti» o'zining asosiy tarkib o'yinchisini sotishga qaror qilsa, bu summa yana ham oshishi mumkin.