Ten Xag «Ayaks»ning ikki futbolchisini Manchesterga olib kelmoqchi

Kelgusi mavsumda «Manchester Yunayted» bosh murabbiyi lavozimiga asosiy davogar bo'lib turgan «Ayaks» bosh murabbiyi Erik ten Xag Amsterdam klubining ikki nafar futbolchisini o'zi bilan Angliyaga olib ketishni rejalashtirmoqda, deya xabar bermoqda jurnalist Ekrem Qo'nur.

Manbaga ko'ra, hujumchi Antoni va yarim himoyachi Rayan Gravenberx mavsum oxirida «Old Trafford»ga ko'chib o'tishi mumkin

19 yoshli Gravenberx joriy mavsumda «Ayaks» safida barcha turnirlarda 40 ta o'yinda maydonga tushib, 3 ta gol va 6 ta golli uzatmani amalga oshirdi. Yarim himoyachining Gollandiya klubi bilan shartnomasi 2023 yilning yoziga qadar mo'ljallangan. Transfermarkt portali futbolchini 35 million evroga baholamoqda.

22 yoshli Antoni klub safidagi 33 o'yinda 12 ta gol va 10 ta golli uzatmani amalga oshirdi. Braziliyalik futbolchining «Ayaks» bilan shartnomasi 2025 yilning yozida yakuniga etadi. Transfermarkt futbolchini 35 million evroga baholamoqda.