«Real» sobiq futbolchisini ortga qaytarmoqchi

«Rayo Valekano»ning chap qanot himoyachisi Fran Garsiya «Real»ga qaytishi mumkin, deya xabar beradi Defensa Central.

Manbaga ko'ra, «qirollik klubi» allaqachon hamshahari bilan himoyachining transferi bo'yicha muzokaralarni boshlab yuborgan. «Real Madrid» Garsiyani mavsum oxirida jamoani tark etishi mumkin bo'lgan Marseloga o'rinbosar sifatida ko'rmoqda.

Futbolchi 2020 yilda «Kastilya»dan «Rayo»ga ijara asosida o'tgan va 2021 yildayoq 2 million evroga to'liq transfer amalga oshirilgandi.Garsiyaning klubi bilan shartnomasi 2025 yilgacha amal qiladi.

Joriy mavsumda 22 yoshli ispaniyalik futbolchi Madrid klubi safida barcha turnirlar doirasida 33 ta o'yinda maydonga tushib, bitta gol va bitta golli uzatmani amalga oshirdi. Transfermarkt portali futbolchining narxi 5 mln evroga baholagan.