«Milan» sobiq futbolchisini ortga qaytarishi mumkin

«Latsio» markaziy himoyachisi Franchesko Acherbi faoliyatini «Milan»da davom ettirishi mumkin.

34 yoshli futbolchi yozda Rim klubini tark etishni rejalashtirgan. Oldinroq unga Milanning «Inter» va Turinning «Yuventus» klublari qiziqish bildirayotgani haqida xabarlar tarqalgan edi. Calciomercato nashri xabariga ko'ra, Acherbi 2012 yildan 2013 yilgacha o'ynagan «Milan»ga qaytishi mumkin. Mish-mishlarga ko'ra, futbolchiga «Fiorentina» va «Torino» klublari qiziqish bildirmoqda.

Franchesko Acherbining «Latsio» bilan shartnomasi 2025 yilgacha mo'ljallangan. Joriy mavsumda u klub muxlislari bilan mojaroga duch keldi va bu darhol himoyachining ketishi haqida ko'plab mish-mishlarga sabab bo'ldi.