Eriksen sobiq klubiga qaytishni istamoqda

«Tottenxem» klubi «Brentford» yarim himoyachisi Kristian Eriksenni qaytarish haqida o'ylamoqda. Bu haqda Football Insider nashri xabar bermoqda.

Manbaga ko'ra, daniyalik futbolchi ham sobiq klubiga qaytishga qarshi emas. Shuningdek, ayni paytda «shporlar» ustozi hisoblangan Antoni Konte sobiq shogirdini o'z jamoasida ko'rishni istamoqda. Eslatib o'tamiz, o'tgan mavsum Konte Va Eriksen «Inter» jamoasida birga ishlagan.

30 yoshli daniyalik 2013 yildan 2020 yilgacha London klubida o'ynagan va «Tottenxem» libosida 305 o'yin o'tkazib, 69 gol va 90 golga assistentlik qilgan.

Eriksen qishki transfer oynasida «Brentford»ga kelib qo'shildi va yana bir yilga uzaytirilishi sharti bilan mavsum oxirigacha shartnoma imzoladi. Kristian yangi jamoasi safida oltita uchrashuvda bir gol va ikkita golli uzatmani amalga oshirdi.