«Barselona» «short-listi»dan o'rin olgan hujumchilar ma'lum

«Barselona» yozgi transfer oynasida «Bavariya» hujumchisi Robert Levandovskini qo'lga kirita olmasa, boshqa bir qancha futbolchilarni sotib olishi mumkin. 

Marca xabariga ko'ra, Kataloniya klubi «short listi»dan Rafael Leau («Milan»), Darvin Nunes («Benfika») va Gabriel Jezus («Manchester Siti») kabi futbolchilar joy olgan. Katalon klubi ushbu futbolchilarni qo'lga kiritishga harakat qilib ko'radi.

«Shaharliklar»ning braziliyalik hujumchisi «ko'k-anorranglilar» qulay harid hisoblanadi, chunki uning shartnomasi 2023 yilda tugaydi va 30 million evroga baholanagan.

Joriy mavsumda Jezus «Manchester Siti» safida APLda 22 ta o'yinda maydonga tushib, 3 ta gol va 7 ta golli uzatmaga mualliflik qilgan.