Yurgen Klopp Dzanoloni «Liverpul»da ko'rmoqchi

«Roma» yozda yarim himoyachi Nikolo Dzanoloni sotishga tayyor. Italiya klubi futbolchi uchun 50 million evro talab qilmoqda, deya xabar beradi Corriere dello Sport.

Italiya terma jamoasining 22 yoshli qanot himoyachisiga Angliyaning «Tottenxem» va «Liverpul» klublari da'vogarlik qilmoqda. Manbaga ko'ra, shaxsan Yurgen Kloppning o'zi Nikolani o'z jamoasida ko'rmoqchi ekanligini ta'kidlagan.

Shuningdek, avvalroq futbolchiga «MYu», «Arsenal» va «Yuventus»dan ham qiziqish borligi haqida xabar berilgandi.

Italiyalik futbolchining «Roma» bilan shartnomasi 2024 yilning yoziga qadar mo'ljallangan. U joriy mavsum A seriyada 23 ta o'yinda maydonga tushib, 2 ta gol va 4 ta golli uzatmaga mualliflik qilgan.