«Inter» futbolchisini sotishga tayyor

«Inter» yarim himoyachisi Stefano Sensi yozda boshqa klubga o'tishi mumkin.

Ayni damda «Sampdoriya»da ijara ostida to'p tepadigan 26 yoshli futbolchi «neradzurrilar»ning keyingi mavsum rejalariga kirmaydi. Jurnalist Nikolo Skiraning fikricha, «Inter» transfer oynasi ochilgandan keyin Sensini sotishga tayyor.

«Montsa» yarim himoyachining xizmatlariga qiziqish bildirmoqda. Manbaga ko'ra, agar ushbu klub joriy mavsum yakunida Italiya A seriyaga chiqishni uddalasa, Sensi bilan shartnoma imzolashga harakat qiladi.

Stefano Sensi joriy mavsumdagi barcha turnirlarda 21ta o'yin o'tkazib, ikki bor raqib darvozasiga gol urgan.