«Atalanta» rossiyalik futbolchini sotib yubormoqchi

«Atalanta» rahbarlari rossiyalik yarim himoyachi Aleksey Miranchukni sotishga qaror qilishdi.

Corriere di Bergamo nashri xabariga ko'ra, bergamoliklar xo'jayinlari «Atalanta» yozgi transfer oynasida sotuvga qo'yiladigan futbolchilar borasida bir qarorga kelgan. Ro'yxatga joriy mavsumda yaxshi o'yin namoyish etmayotgan 26 yoshli rossiyalik futbolchi ham kiritilgan.

Eslatib o'tamiz, joriy mavsum Aleksey Miranchuk Italiya chempionatida 17 ta o'yinda maydonga tushib, 2 ta gol va 5 ta golli uzatmaga mualliflik qilgan.