«Barselona» «Manchester Siti» forvardini sotib olmoqchi

«Barselona» rahbariyati markaziy hujumchi izlashda davom etmoqda. Xavi bu pozitsiyadagi kamchilikni to'ldirishni yozgi transfer oynasi vaqtidagi ustuvor vazifa sifatida belgilab olgan.

Marca nashrining xabar berishicha, «ko'k-anorranglilar» «Man Siti» hujumchisi Gabriel Jezusning sotib olmoqchi.

«Barselona» braziliyalik futbolchi uchun 30 million evro ajratishga tayyor.

Xavi Robert Levandovskini jamoada ko'rishni istardi, ammo Joan Laporta polshalik futbolchi va «Bavariya»ning talabini juda yuqori deb hisoblaydi. Oldinroq Levandovskining transferi 60-65 million evroga tushishi mumkinligi haqida xabar berilgandi.

Jezusning «Man Siti» bilan shartnomasi 2023 yilning yozida yakuniga etadi. Tomonlar yangi shartnoma imzolashi haqida xabarlar yo'q.

Joriy mavsum braziliyalik futbolchi Premer-ligadagi 22 uchrashuvda atigi 3 ta gol va 7 ta golli uzatmani amalga oshirdi.