"Lids" "Leyptsig" futbolchisini o'z safiga qo'shib olmoqchi

Angliyaning "Lids" klubi himoya chizig'ini kuchaytirish uchun "Leyptsig" jamoasining xorvatiyalik himoyachisi Yoshko Gvardiolni olib kelmoqchi.

Qayd etilishicha, xorvatiyalik futbolchi Liam Kuperning o'rnini egallashi mumkin.

Manbaning ta'kidlashicha, 30 yoshli "Lids" himoyachisi jarohatlar tufayli uch oydan ko'proq maydonga tusha olmagan. Hozirda Kuperning sport formasi ko'ngildagidek darajada emas.

Gvardiol va nemis klubi o'rtasidagi amaldagi kelishuv 2026 yilning 30 iyuniga qadar amal qiladi. Futbolchining transfer narxi 30 million evroni tashkil qiladi.