"Tottenxem" Madrid klubi himoyachisini sotib olmoqchi

"Atletiko Madrid"ning ispaniyalik himoyachisi Mario Ermoso yozgi transfer oynasida tumanli Albionga o'tishi mumkin.

Daily Mail nashri xabariga ko'ra, 26 yoshli ispaniyalik futbolchi yozda "Tottenxem"ga o'tishi mumkin. "Shporlar" markaziy himoya  chizig'ini kuchaytirmoqchi. Ermoso esa klubning talablariga to'liq mos keladi.

Eslatib o'tamiz transfermarkt portali himoyachining narxini 25 million evroga baholamoqda.

Joriy mavsumda Mario Ermoso Ispaniya chempionatida 24 ta uchrashuv o'tkazib, ikkita gol va bitta golli uzatmani amalga oshirdi.