"Manchester Siti" Xoland transferini tezroq yakunlamoqchi

"Manchester Siti" Dortmundning "Borussiya" klubi hujumchisi Erling Xolandning transferi borasidagi ishlarni sezilarli darajada tezlashtirishni rejalashtirmoqda, deya xabar beradi insayder Fabritsio Romano.

21 yoshli norvegiyalik hali ham kelajagi haqida bir qarorga kelmagan, shuning uchun "shaharliklar" unga o'z foydasiga tanlov qilishga yordam berishmoqchi.

"Manchester Siti" Xoland masalasi tezroq hal qilib, yangi yarim himoyachini sotib olishga e'tibor qaratmoqchi.

Joriy mavsumda hujumchi Dortmundning “Borussiya” klubi safida 25 ta o'yinda maydonga tushib, 23 ta gol va 7 ta golli uzatmani amalga oshirdi. Hujumchining Dortmund klubi bilan shartnomasi 2024 yilning 30 iyuniga qadar mo'ljallangan.