"Tottenxem" rahbariyati katta transferni amalga oshirmoqchi

"Tottenxem" tez orada Lautaro Martines transferi borasida qaytadan ish boshlaydi. Xabarlarga ko'ra, "shporlar" rahbariyati Argentina terma jamoasi a'zosi uchun katta qiziqish bildira boshlagan.

Xususan, klub sport direktori Fabio Paratichi 24 yoshli hujumchining muxlisi sanaladi. U Martines keyingi mavsumdan Harri Keynga yordam berishiga umid qilmoqda.

Lautaro Martines imzosi uchun "Atletiko" ham da'vogar hisoblanadi. Hujumchi o'tgan mavsumda 17 ta gol va 10 ta assistga mualliflik qilgan edi.