"Tottenxem" bu futbolchi uchun kurashda "MYu"ni mag'lub etishiga ishonmoqda

"Tottenxem" rahbariyati darvozabon Sem Jonston uchun kurashda g'alaba qozonishiga ishonmoqda.

"Vest Bromvich"ning 29 yoshli darvozaboniga Angliya Premer-ligasining bir qator klublari, jumladan, "Manchester Yunayted" va "Sautgempton" ham qiziqish bildirmoqda. Biroq, "Tottenxem" rahbarlari kiperga qolgan jamoalarga qaraganda ko'proq o'yin amaliyoti taklif qilmoqchi, deb xabar beradi Football League World.

Sem Jonston “Manchester Yunayted” tarbiyalanuvchisi hisoblanadi. Joriy mavsumda Angliyaning ikkinchi divizioni Chempionshipda 36 ta o'yinda maydonga tushib, 33 ta gol o'tkazib yuborgan va 15 marta "nol"ga o'ynagan.