"Vilyarreal" Lo Chelso borasida muzokara boshladi

Football Insider nashri xabariga ko'ra, "Vilyarreal" "Tottenxem" bilan yarim himoyachi Jovani Lo Chelsoning transferi bo'yicha muzokaralarni boshladi.

Argentinalik yarim himoyachi qishki transfer oynasida ijara asosida Ispaniyaga ko'chib o'tdi va "Vilyarreal"ni Chempionlar ligasi yarim finaliga olib chiqib, La Liga klubi rahbarlarini hayratda qoldirdi.

Murabbiy Unai Emeri futbolchini "shporlar"dan sotib olish kerakligini ta'kidlamoqda. "Tottenxem" rahbariyati argentinalik futbolchi borasida muzokara o'tkazishga tayyor. Chunki u Antonio Kontening rejalariga kiritilmagan.