«Yuventus» futbolchisi yozda jamoadan ketmoqchi

«Yuventus» vingeri Federiko Bernardeski Turinni tark etishi mumkin, deya xabar beradi jurnalist Nikola Skira.

Manbaga ko'ra, «keksa sinora» va Bernardeski shartnomani uzaytirish borasida kelishuvga ega emas, shuning uchun u yozda erkin agent sifatida klubni tark etishi mumkin. Italiyalik futbolchi «Latsio»ga taklif qilindi, ammo hozircha futbolchining yuqori maoshi muzokaralarga to'sqinlik qilmoqda.

Bernardeski «Yuventus»ga 2017 yilda «Fiorentina»dan 40 million evro evaziga o'tgan edi.

28 yoshli hujumchi joriy mavsumda klub safida barcha turnirlar doirasida 28 ta o'yinda maydonga tushib, 1 ta gol va 6 ta golli uzatmani amalga oshirdi. Uning Transfermarktdagi narxi 15 mln evroni tashkil qiladi.