Sosa uchun kurashda «Barselona»ga raqobatchi paydo bo'ldi

«Barselona» Xorvatiya terma jamoasi va «Shtutgart» chap qanot himoyachisi Borna Sosaga qiziqish bildirmoqda, deb xabar beradi Sport.es.

Manbaning xabariga ko'ra, Kataloniya klubi yozgi transfer oynasida futbolchi sotib olish variantini ko'rib chiqmoqda. Biroq futbolchini sotib olish oson bo'lmaydi, chunki unga «Arsenal» va «Tottenxem» ham qiziqish bildirmoqda.

24 yoshli Sosa joriy mavsumda «Shtutgart» safida barcha turnirlarda 25 ta o'yinda maydonga tushib, 2 ta gol va 8 ta golli uzatmani amalga oshirdi. Uning klub bilan shartnomasi 2025 yilning yoziga qadar mo'ljallangan.