"Latsio" yozda tarkibni sezilarli darajada kuchaytirmoqchi

«Latsio» bosh murabbiyi Mauritsio Sarri yozgi transfer oynasida o'z jamoasiga uch nafar futbolchini taklif qilishni maqsad qilgan.

Italiyalik mutaxassis rimliklar safida «Napoli» bilan shartnomasi mavsum oxirida yakunlanadigan hujumchi Dris Mertens, shuningdek, «Everton» yarim himoyachisi Allan va qanot himoyachisi Emerson Palmerini ko'rishni istaydi. Bu haqda La Gazzetta dello Sport xabar bermoqda.

Qayd etish joizki, har uchala futbolchi ham Sarri bilan avval hamkorlikda ishlash orqali tanish bo'lgan: 34 yoshli Mertens va 31 yoshli Allan «Napoli»da murabbiy qo'l ostida o'ynashgan, 27 yoshli Emersonning Sarri bilan yo'llari "Chelsi"da kesishgan.