"Aston Villa" futbolchisiga APLning bir nechta klublari qiziqish bildirmoqda
/ Kiritdi: BestMaster Ko'rilgan: 85
«Aston Villa» yarim himoyachisi Duglas Luis jamoasini o'zgartirishi mumkin. Football Insider xabariga ko'ra, «Arsenal» 23 yoshli futbolchining xizmatlariga qiziqish bildirmoqda.
Manbaga ko'ra, «kanonirlar» braziliyalik futbolchini yozda o'z safiga qo'shib olmoqchi. London klubi futbolchini anchadan beri kuzatib kelmoqda.
Qayd etilishicha, Duglas Luis bilan APLning yana bir nechta klublari bilan shartnoma imzolamoqchi.
Luis 2019 yildan beri «Aston Villa»da o'ynab kelmoqda, u «Manchester Siti»dan 16,8 million evro evaziga ko'chib o'tgan. Uning klub bilan shartnomasi 2023 yilning iyunigacha amal qiladi.
Transfermarkt portali futbolchining narxini 35 million evroga baholamoqda.
Braziliyalik yarim himoyachi joriy mavsumda APLda 27 ta o'yinda maydonga tushib, 1 ta gol urdi va 3 ta golli uzatmani amalga oshirdi.
Bosh sahifaga
273