Morata APL klubiga o'tishi mumkin

Turinning «Yuventus» klubida ijara asosida to'p tepayotgan «Atletiko» hujumchisi Alvaro Morata APL klubiga o'tishi mumkin.

Corriere dello Sport nashri xabariga ko'ra, Londonning «Arsenal» jamoasi rahbariyati Ispaniya terma jamoasi hujumchisini sotib olishga tayyor. Manbaga ko'ra, «kanonirlar» Morata uchun 30 million evro to'lashga tayyor.

Shuningdek, «Yuventus» ham Alvaroni o'z safida saqlab qolishdan manfaatdor. Shuning uchun ular o'yinchining narxini pasaytirish uchun «matraschilar» bilan muzokaralar olib borishga harakat qilmoqda.