«Tottenxem» Liga—1'dan futbolchi sotib olmoqchi

Jeunes Footeux nashri xabariga ko'ra, «Tottenxem» «Lans» yarim himoyachisi Seko Fofanaga qiziqish bildirmoqda.

Fofana 2020 yilda «Udineze»dan «Lans»ga o'tgan edi. Ikki mavsum davomida futbolchi klub safida 66 ta o'yin o'tkazib, asosiy jamoa o'yinchisiga aylandi. O'z navbatida, «Tottenxem» bosh murabbiyi Antonio Konte jamoaning yarim himoya markazini kuchaytirishga harakat qilmoqda va Seko ushbu pozitsiyadagi kamchiliklarni yopishi mumkin deb hisoblanmoqda.

Biroq, Fofana bu pozitsiya uchun yagona nomzod emas. Avvalroq «shporlar» «Lester» yarim himoyachisi Yuri Tilemansga ham qiziqish bildirayotgani haqida xabar berilgandi.