«Inter» Gosensni to'liq sotib oldi

«Atalanta» «Inter» himoyachi Robin Gosensni sotib olganini e'lon qildi.

Yanvar oyida 27 yoshli germaniyalikni ijaraga olgan Milan klubi futbolchining shartnomasida sotib olish bandini faollashtirdi.

«Atalanta» matbuot xizmati xabariga ko'ra, Gosens «Inter»ga jami 25 million evro evaziga o'tgan: 15 million evro transfer narxi bo'lsa, yana 10 million evro esa turli bonuslar hisoblanadi.

Qanot himoyachisi «neradzurri» safiga ko'chib o'tganidan beri bor-yo'g'i 6 ta o'yinda maydonga tushdi va kelganidan biroz vaqt o'tib tizzasidan jarohat oldi. Hozirda nemis futbolchisi lazaretda bo'lib turibdi.