«Bavariya» Levandovski uchun qancha so'rayotgani ma'lum bo'ldi

«Bavariya» hujumchi Robert Levandovskini sotish haqidagi mish-mishlarni inkor etayotganiga qaramay, «Barselona» polshalik hujumchini 2022 yilning yozida sotib olishiga umid qilmoqda.

Levandovski «Barselona» bilan uch yillik shartnoma shartlari bo'yicha kelishib olgani xabar qilingandi, ammo  nemis klubi o'sha kuniyoq futbolchi haqidagi bu xabarni rad etishga harakat qilishdi.

Insayder Janluka Di Martsioning so'zlariga ko'ra, «Bavariya» shartnomasi 2023 yilning yozida yakunlanadigan hujumchi uchun 70-80 million evro so'ramoqda. Ammo «Barselona» bu summani to'lashga tayyor emas. Kataloniya klubi polshalik uchun ko'pi bilan 30 milliondan evro mablag' sarflamoqchi.