Dibala «Inter» bilan imkon qadar tezroq shartnoma imzolamoqchi

Turinning «Yuventus» klubi hujumchisi Paulo Dibala yozda «Inter» bilan shartnoma imzolash borasida muzokaralarni davom ettirmoqda. Eslatib o'tamiz, argentinalik futbolchining «keksa sinora» bilan amaldagi shartnomasi mavsum oxirida yakuniga etadi va shu sabab u «neradzurrilar» safiga tekinga qo'shiladi.

La Gazzetta dello Sport nashri xabariga ko'ra, Dibala o'tishni imkon qadar tezroq yakunlamoqchi. Shuningdek, «Inter» moliyaviy muammolar tufayli yaqinda klub bilan yangi shartnoma imzolagan hujumchi Lautaro Martines milanliklar safini tark etishi mumkinligi aytilmoqda. 

Dibalaning xizmatlariga boshqa klublar ham qiziqish bildirmoqda, ular orasida «Tottenxem» va «Barselona» ham bor, ammo futbolchining o'zi A seriyada qolishni istaydi.