«PSJ» «Chelsi» futbolchisini sotib olmoqchi

«PSJ» kelasi yozda «Chelsi» hujumchisi Romelu Lukakuni o'z safiga qo'shib olmoqchi. Sky Sports nashri xabariga ko'ra, Parij klubi belgiyalik futbolchining londonliklar bilan bo'lgan qiyin vaziyatidan unumli foydalanib, uni yo'ldan urmoqchi.

Xabar qilinishicha, «PSJ» «Chelsi» rahbariyati bilan ehtimoliy transfer borasida muzokaralar olib bormoqda. «Ko'klar» o'yinchiga sarflangan mablag'ning hech bo'lmaganda katta qismini qoplab olsa, o'yinchini sotib yuborishga rozi.

Eslatib o'tamiz, o'tgan yozda Lukaku 110 million evro evaziga «Inter»dan «Chelsi»ga o'tgan edi. Belgiyalik futbolchi Angliya chempionatida hozircha bor-yo'g'i 5 ta gol urishgsha erishdi.