«Milan» futbolchisi «Latsio»ga o'tishga rozi bo'ldi

«Milan» himoyachisi Alessio Romanoli «Latsio»ga o'tishga rozi bo'ldi, deb yozmoqda jurnalist Nikolo Skira o'z tvitteridagi sahifasida. 27 yoshli futbolchi va Rim klubi o'rtasidagi muzokaralar yakuniy bosqichda.

Romanolning «Milan» bilan shartnomasi 2022 yilning yozida yakuniga etadi. U erkin agent sifatida «Latsio»ga o'tadi.

Qayd etilishicha, rimliklar futbolchi bilan 2027 yilgacha soliqlarni hisobga olmaganda yiliga 3,2 million evro maosh bilan shartnoma tuzadi.

Romanoli joriy mavsum «rossonerilar» safida 25 ta o'yinda maydonga tushib, 1 ta gol urishga erishdi.