Levandovski nima sababdan «Barselona»ga o'tmoqchi ekanligi ma'lum

«Bavariya»ning polshalik hujumchisi Robert Levandovski faoliyatini Kataloniyaning «Barselona» jamoasida davom ettirmoqchi.

Sky Sport Deutschland nashri xabariga ko'ra, 33 yoshli polshalik futbolchi «Oltin to'p»ni qo'lga kiritish imkoniyatini oshirish uchun «Barselona»ga o'tmoqchi. Qolaversa, Levandovski butun faoliyati davomida o'zini Ispaniya chempionatida sinab ko'rmoqchi ekanligini ta'kidlab kelgan.

Eslatib o'tamiz, Kataloniya klubi Robertga yiliga taxminan 40 million evro to'lashga tayyor.

Joriy mavsumda Robert Levandovski Germaniya chempionatida 29 ta o'yin o'tkazib, 32 ta gol urgan.