«Barselona» Levandovski uchun 25 million evro to'lamoqchi, «Bavariya» esa...

«Bavariya»ning super yulduzi Robert Levandovskining nemis klubini tark etishi haqidagi xabarlar tarqalishda davom etmoqda.

Insayder Fabritsio Romanoning tasdiqlaganidek, klub va futbolchi o'rtasidagi yangi shartnoma bo'yicha muzokaralar muvaffaqiyatli bo'lmadi, chunki «Bavariya» Levandovskining uzoq muddatli shartnoma bo'yicha talablarini bajarishni istamayapti.

Avvalroq, hujumchiga «Barselona» ham katta qiziqish bildirayotgani haqida xabar berilgandi.

So'nggi ma'lumotlarga ko'ra, kataloniyaliklar klubi polshalik hujumchining transferi uchun «Bavariya»ga 25 million evro taklif qilgan. Biroq nemislar bunga rad javobini berib, 60 mln talab qildi.

Xabar qilinishicha, kataloniyaliklar bunday summani to'lamoqchi emas va hujumchidan transfer narxini pasaytirish uchun «Bavariya» rahbarlariga «bosim» o'tkazishni so'ragan.