Asensioning «Milan»ga o'tmasligining ikki sababi

«Milan» «Real» hujumchisi Marko Asensio bilan shartnoma imzolashiga shubha qilmoqda.

MilanNews xabariga ko'ra, «rossonerilar» Asensioda Ispaniya poytaxtini shu yozda tark etish uchun yaxshi imkoniyat borligini bilishadi, chunki uning shartnomasi tugashiga atigi bir yil qolgan va «Milan» rahbariyati ispaniyalikning agentlari bilan ehtimoliy transfer borasida muzokaralar olib borishgan.

Texnik direktor Paolo Maldini 26 yoshli futbolchining o'yinlarini yaxshi ko'radi, biroq ayni damda Italiya klubi ikkita to'siqni engib o'tish kerak. Birinchisi, futbolchining maoshi, chunki Asensio mavsum uchun taxminan 7 million evro so'ramoqda.

Ikkinchi to'siq - bu Premer-liga klublari o'rtasidagi juda kuchli raqobat, ya'ni kelishuvning har qanday imkoniyati futbolchining o'ziga bog'liq bo'ladi.