«Barselona» «Arsenal» futbolchisini xarid qilmoqchi

«Arsenal» himoyachisi Gabriel «Barselona»ga o'tishi mumkin, deb xabar beradi Diario Sport.

Manbaga ko'ra, Kataloniya rahbariyati yangi markaziy himoyachi sotib olishdan manfaatdor, chunki ular endi Umtiti va Langlega ortiq ishonmaydi.

Gabriel 2020 yilning sentyabrida Frantsiyaning «Lill» klubidan 26 million evro evaziga «Arsenal»ga o'tgan edi. 24 yoshli braziliyalikning «kanonirlar» bilan amaldagi shartnomasi 2025 yilning yoziga qadar tuzilgan. Transfermarkt futbolchini 30 millionga baholagan.

Himoyachi joriy mavsumda APLda 27 ta o'yinda maydonga tushib, 3 ta gol urishga erishdi.