«Nyukasl» APL klubidan ikki futbolchi xarid qiladi

«Nyukasl» yozda jamoani tark etishi mumkin bo'lgan vinger Allan Sen-Maksiminning o'rniga ikki nafar «Brayton» futbolchisini sotib olmoqchi. Bu haqda The Sun nashri xabar bermoqda.

Manbaga ko'ra, Leandro Trossar va Iv Bissuma «Nyukasl»ning asosiy transfer maqsadidir. Har ikki futbolchining shartnomasi 2023 yilning yozida yakuniga etadi.

Trossar joriy mavsumda «chayqalar» safida barcha musobaqalarda 30 ta o'yinda maydonga tushib, 5 ta gol va bitta golli uzatmani amalga oshirdi. 27 yoshli belgiyalik vinger 17 mln evroga baholangan.

Bissuma 23 ta o'yin o'tkazib, bitta gol va bitta golli uzatmani amalga oshirgan. Malilik 25 yoshli yarim himoyachi 35 million evroga baholangan.