"Arsenal" bu futbolchi uchun 60 million funt to'lashi kerak

"Vulverxempton" o'z futbolchisi uchun narx qo'ydi. Xabarlarga ko'ra, Portugaliya terma jamoasi a'zosi Ruben Neveshni sotib olishi kerak bo'lgan klub 60 million funt sarflashi kerak bo'ladi.

25 yoshli yarim himoyachi uchun xaridorlar anchagina. Ro'yxatning eng oldi o'rinlarida "Arsenal" keltiriladi.

Ammo to'pchilar bu borada "Barselona" bilan raqobat qilishiga to'g'ri keladi. Avvalroq "bo'rilar" ustozi Brunu Laje Neveshni 100 million funtga baholanishi haqida fikr bildirgandi.